અમેરિકા-ઈરાન શાંતિ કરાર: વૈશ્વિક નેતાઓએ આવકાર્યો, જાણો કોણે શું કહ્યું

અમેરિકા-ઈરાન શાંતિ કરાર: છેલ્લા 107 દિવસથી ચાલી રહેલા તણાવ બાદ અમેરિકા અને ઈરાન વચ્ચે શાંતિ સમજૂતી થઈ છે. ઈરાને 14 મુદ્દાના MoU ડ્રાફ્ટની જાહેરાત કરી છે, જેના પર આગામી શુક્રવારે જિનેવામાં સહી થશે. આ કરારથી મધ્ય પૂર્વમાં કાયમી શાંતિની આશા જાગી છે અને વૈશ્વિક નેતાઓએ આવકાર્યો છે.

ડોનાલ્ડ ટ્રમ્પ: અમેરિકન પ્રમુખે જણાવ્યું કે હોર્મુજ રૂટ ટોલ-ફ્રી થશે અને નૌસેનાની નાકેબંધી હટાવાશે. ઉપપ્રમુખ જેડી વેન્સ જિનેવા જશે, ટ્રમ્પ પણ હાજર રહી શકે છે.

હકીમ જેફ્રીઝ: ડેમોક્રેટ નેતાએ આ કરારને અસુરક્ષિત ગણાવ્યો અને ટ્રમ્પ પર આક્ષેપ કર્યો કે આનાથી ઈરાન વધુ મજબૂત બનશે.

આયતુલ્લા ખામેનેઈ: ઈરાનના સર્વોચ્ચ નેતાએ કહ્યું કે દુશ્મન પાસે શરણાગતિ સિવાય કોઈ રસ્તો નહોતો. આ કરાર હેઠળ લેબેનોન સહિત તમામ મોરચે યુદ્ધ બંધ થશે.

યુએન મહાસચિવ: આ કરારને કૂટનીતિની જીત ગણાવી અને પાકિસ્તાન, કતાર, ઇજિપ્ત, સાઉદી અરેબિયા અને તૂર્કીયેનો મધ્યસ્થી માટે આભાર માન્યો.

E4 દેશો (યુકે, ફ્રાન્સ, જર્મની, ઇટાલી): સંયુક્ત નિવેદનમાં કહ્યું કે તેઓ ઈરાન પરના પરમાણુ પ્રતિબંધો હટાવવા તૈયાર છે.

ઇમેન્યુઅલ મેક્રોન: ફ્રાન્સના પ્રમુખે હોર્મુજ રૂટ કોઈપણ શરત વગર ખોલવા અપીલ કરી.

રેચેપ તૈયપ એર્દોગન: તૂર્કીયેના રાષ્ટ્રપતિએ આને ઐતિહાસિક ક્ષણ ગણાવી અને પાકિસ્તાનની ભૂમિકાની પ્રશંસા કરી.

સનાએ તાકાઇચી: જાપાનના વડાપ્રધાને આને મધ્ય-પૂર્વની સ્થિતિ સુધારવા તરફ મોટું પગલું ગણાવ્યું.

શહબાઝ શરીફ: પાકિસ્તાનના વડાપ્રધાને ખુશી વ્યક્ત કરી અને જણાવ્યું કે બંને પક્ષો કાયમી યુદ્ધવિરામ માટે સંમત થયા છે.